سامحيني لو قسى قلبي عليك ولو جرحتك ما ملى عيني سواك قصه سعوديه

07-30-2008, 03:01 AM

وأعزالقلب في بعدك وأقول أنبض على هونك
لابدالوقت يجمعناوأعبر لك عن أشواقي..........

كانت جالسه بغرفتها وسرحانه بشخص بمكان بعيدوبالتحديد{بكندا}

وتقول بخاطرها:{وينك ياتركي تحس فيني وباللي في قلبي يارب متى

يمر هالشهر بسرعه ويرجع شوقي وحبي اللي حبيته كل هالسنين......}

هذه شخصيه من شخصيات القصه راح تعرفونها من خلال سرد القصه........

أعرفكم بالشخصيات:
الجد{منصور} أبو محمد..........
الجدة{حصه} أم محمد........

عيالهم..........

أبو عبالعزيز{محمد}..مدير عام بشركة ابوه.....أم عبالعزيز{مريم}
عبالعزيز..29سنه..دكتورعظام ...ووسيم وطويل وطبعه مرح وخفيف دم لكن اذاعصب مايشوف اللي قدامه.....
سلوى..25سنه..متخرجه لغه عربيه ومتزوجه ولد عمتها خالد وعندها طفلين ..
عمر..3سنوات....جوري ..6شهور..........
زياد..23سنه..يدرس بكلية الهندسه..أنسان جاد وغامض..طوله متوسط وأسمراني..ويهتم بمظهره دائما...
روان..17سنه..تدرس بالثانوي..حلوه وناعمه..انسانه فله شعارها بالحياة{طنش تعش تنتعش}..........
.................................................. ...................................
أبووليد {فهد}..........أم وليد{نوره}
وليد..31سنه..انسان طموح يحب التجاره مسك شركة أبوه وهو يدرس بالجامعه
له هيبته عندأهله والناس والكل يسمع كلمته طبعا شخصيته تشبه شخصية أبوه..طبعا متزوج بنت عمته {تهاني}....
تركي..27سنه يدرس بكندا ..وهذه أخر سنه وبعد شهر بيرجع لاهله..
أسامه..22سنه..يدرس بالجامعه..قسم رياضيات..يموت بشي أسمه دراسه..
بشاير..15سنه..تدرس بالمتوسط ..أنسانه هاديه وحساسه..........
.................................................. ...........................................
أبوسلطان{سليمان}.يشغل بشركة أبوه نائب المدير العام....أم سلطان{فوزيه}.....م...
سلطان..23سنه..يدرس بالهندسه مع زياد لكن عكس طبع زياد فله ومزوح وواضح لأبعد درجه ..............
حنان..19سنه..بثالث ثانوي..انسانه طيبه وخلوقه..وتموت بجدتهاوالسبب راح تعرفونه من خلال أحداث القصه....
مها..15سنه..بالمتوسط..مملوحه ومزوحه وتموت بشي أسمه مقالب .........
محمد..10سنوات..يموت بشي أسمه بلاي ستيشن وبأخوه سلطان لانه يلبي كل رغباته,,
.................................................. .....................
العمه أم خالد{منيره}....أبو خالد{إبراهيم}...تاجر كبير بالسيارات وعنده معارض كبيره......
خالد ..30سنه..يشتغل بالاتصالات..متزوج سلوى..وعندهم طفلين........
تهاني..23سنه متزوجه وليد ولد خالها...انسانه حساسه لابعد درجه.......
وفاء.20سنه..تدرس بالجامعه.تربيه خاصه..انسانه جميله وحلوه وكل من شافها انهبل عليها بس سمينه شوي.....
عبدالله..18سنه..يدرس بالثانوي..ومايحب شي اسمه دراسه وطموحه أنه يكون عنده معرض سيارات......لان أبوه تاجركبير بالسيارات..........
نهى..12سنه..دلوعة امها وابوها..........
.................................................. ....................
العمه{هتون}أم فارس..مديرة مدرسه...........{عبدالرحمن}أبو فارس........
فارس..25سنه توه متخرج من الطيران...حلو ووسيم وطويل وملامحه بارزه يعني كله على بعضه حلو............
فايزه..20سنه بالجامعه تربيه خاصه مع وفاء..........
فدى..15 سنه بالمتوسط أنسانه ماتحترم اللي أكبرمنها ودايما تغار من أختها حصه......
حصه..هذي دلوعة الجميع ومسميه على الجده............
.................................................. ........................
العم{سلمان}..29سنه..أقرب واحد له من عيال أخوانه عبدالعزيز...درس ببريطانيا 9سنوات وتوه راجع والكل فرحان برجعته..ألا شخص واحد راح تعرفونه بعدين...
.................................................. .........................
العمه {مشاعل}..23سنه..تدرس بالجامعه قسم كيمياء....انسانه ماأحد يقدر يتحكم فيها
طبعا بنت الشايب من يقدر عليها.............

07-30-2008, 03:02 AM

الفصل الأول..........

"""ياغربتي الروح""""

ياغربتي الروح في دنيا البشر

الليالي جروح...والشكوى سهر..........

والأماني وهم....والخطوه سفر..........

رفيق الليالي """"""أنا..........

أبسهرلحالي"""""""أنا....

أبسهر..أساهر في قلبي الصبر.............

ياغربة الروح في دنيا البشر؟؟؟

في مكان بعيد عن البلاد وبالتحديد {كندا}

جالس على الأريكه بغرفته وسرحان

{يازينها من أيام متى تخلص هالدراسه

وأرتاح من الغربه وأرجع لاهلي وناسي......}

وفجاءه أنفتح باب غرفته ودخل عليه صديق

عمره......
سعود: وينك جالس أدور عليك وأنت جالس وين الوعد......
تركي: معليش سعود أعذرني ضايق خلقي ومالي نفس......
سعود {حس أن تركي فيه شي}:تركي أنا أخوك عسى ماشر فيك شي
الأهل فيهم شي..........
تركي: لاياسعود أهلي بخير بس............
سعود:وشو بس طيحت قلبي يااخوي......
تركي:يااخي أشتقت لهم أشتقت لأأمي ولابوي ولجداني ووأخواتي واخواني......
سعود:موبس كلنا أشتقنا لهم..وسرح سعود بعيد....
تركي {يمرريده على وجه سعود}:ياهووه وين سرحت........
سعود أنتبه لنفسه: ولا شي يالله بلا نكد خلنا نستانس كلها شهر ونخلص ونرجع...
طلع تركي وسعود يتمشون وراحوا لكوفي شوب قريب من العماره اللي يسكنن فيها...

.................................................. .................................................. .

ماسك جواله ويتكلم بقلق وعصبيه""""""""
أبو عبد العزيز:يأخوي وش تقول.......
أبو وليد:الوالد تعب علينا ووديناه المستشفى وطلبوا ينومنه عندهم
كم يوم..............
ابو عبد العزيز:طيب متى صار هالشي ووشلون.......
ابو وليد:يااخوي استهد بالله ارتفع عليه الضغط شوي .............
ابوعبد العزيز:الدكتور منبه علينا نريحه ونبعده عن اي مؤثرات.........
ابو وليد :أنا اقولك السالفه بعدين بس أنت رح له ألحين........
أبوعبد العزيز:خير ان شاء الله يالله في أمان الله................
قفل الخط وجلس يفكر{اكيد ياسليمان انتورى سالفة ابوي
لكن اناوراك وراك والزمن طويل ماراح اخليك تتهنئ يالنذل}

طلع وراح للمستشفى وتوجه لغرفة ابوه وطق الباب
ودخل ولقى عنده اخته هتون{ام فارس}
ابو عبدالعزيز:السلام عليكم هلا يالغالي وشلونك وشلون الضغط
الحين احسن..........
الجد منصور :الحمدلله الحين احسن ..........وشلونك يابوي وشلون
ام عبدالعزيز والعيال...........
ابو عبد العزيز:بخير يالغالي ...........وشلونك هتون.........
هتون :بخير ياخوي .............
ابوعبدالعزيز:جايه لحالك ........
هتون:لا جابني فارس ياقلبي وراح يكلم زميله ويرجع......
وفي هاللحظه دخل فارس............
فارس: السلام عليكم...هلا خالي وشلونك وأنا أقول المستشفى منور صار خالي ابوعبد العزيز موجود............
ابو عبدالعزيز وهو يضحك:هلا فيك فروس ماتترك سوالفك وهبالك........
فارس :ولو خالي والله تراني صادق..........
هتون{ام فارس}:يالله فارس وانا امك خلنا نمشي..........
ابو عبدالعزيز:وين تو الناس ماشفناكم اقعدوا شوي........
الجد:اقعدي يابنيتي وراك عجله.......
هتون:وش اسوي وراي بيتي وعيالي صعبه اخليهم من اول الزياره وانا موجوده..يالله
في حفظ الله يالغالي .............
طلعوافالرس وأمه من المستشفى وهم بالطريق رايحين للبيت .........
فارس:أقول يالغاليه الحبيبه........
أم فارس تضحك::اقول وش عندك اكيد ورى هالدلع سالفه........
فارس:ولو يالغاليه ..بس حبيت اسالك متى بتكلمين خالي عن الموضوع
تراني مليت وأنا انتظر...........
ام فارس:اصبر ياربيه وش اسوي كلما جيت بأكلم خالك حاسنا خالك سليمان الله يهديه.
فارس: انا مادري خالي سليمان ليش تغير فجأه ........
ام فارس:الله يسامح اللي كان السبب........
فارس :يمه وش السالفه.......
ام فارس:بعدين يافارس بعدين......
فارس حس امه ضاق خلقها:خلاص يمه على راحتك اهم شي لا يتكدر خاطرك يالغاليه.
ام فارس:الله يخليكم لي انتم وابوكم لا يحرمني منكم...........

.................................................. .................................................

07-30-2008, 03:04 AM

دخل البيت وصار ينادي بصوت عالي.........

وليد::يمه ..يمه..يمه.........
ام وليد وهي طالعه من المطبخ وتنشف يديها:هلا بوليدي وينك يمه من زمان ماشفناك...
وليد:وش اسوي يالغاليه الشغل هذي الايام في الشركه كله فوق راسي.......
ام وليد:وخالد ولد عمتك وينه مايداوم........
وليدارتبك وماعرف وشلون يرد:الا بس مكلفينه بشغله برى الشركه.......
ام وليد :الله يقويكم ياوليدي..........الا نسيتي اسالك عن تهاني وش اخبارها
من زمان ماشفناها..لاتكون تعبانه ولا علمتني.......
وليد ضاق خلقه يوم تذكر تهاني واللي صار بينهم العصر : لا يمه بخير ونعمه
بس صديقتها بتتزوج ومشغوله وهي وياها بموديلات وخرابيطكم يالحريم....
ام وليد:ياحبيلها هاالتهاني فيها طيبة قلب ماشفتها في احد غيرها...
وليد في خاطره{اعرف يمه اني ماراح الأقي مثلها بس لو تشيل من راسها هالموال
اللي يكدر الخاطر}
ام وليد انتبهت لسرحان ولدها :وليد يمه وين سرحت.
وليد:هااا لا يالغاليه بس دايخ شوي مانمت من الصبح....يالله يالغاليه في امان الله...
ام وليد:في امان الله يمه بس مامريت على ابوك منصور......
وليد :الا مريته المغرب وبروح امر امي حصه بشوفها واطمن عليها.......
ام وليد:الله يحفظك ياوليدي ويعطيك على قدر نيتك........
وليد حب راس امه وطلع وركب سيارته رايح لبيت جده...............

.................................................. .............................................

في بيت الجد منصور.....جالسه طفشانه ومالها خلق على احد

مسكت جوالها واتصلت على صديقة عمرها...........

مشاعل:هلا هنادي كيفك.................
هنادي:هلا ميشو وينك لا حس ولا خبر.......
مشاعل:وش اسوي كنت نايمه وماصحيت الا العصر
ومالقيت احد احاكيه واوسولف معاه طفشت قلت ادق
على عمري هنوده اطلع انا وياها............
هنادي :ايه مصلحه يعني لو لقيتي غيري كان استغنيتي
عني..........
مشاعل:لا هنوده لا تفهميني غلط اصلا انا مااقدر استغني عنك
ولا لحظه............
هنادي :طيب وين تبين تطلعين ياحلوه.........
مشاعل :تسلمين ماادري بس وش رايك بالفيصليه ..........
هنادي:على راحتك خلاص بس متى ودك نروح...........
مشاعل:خلاص امرك بعد نصف ساعه بس فيصل اخوك مو موجود........
هنادي :لا ابشرك طالع بس النتي يالله تعالي لا تتاخرين قبل لايجي ويسوي لي سالفه
ويخربط علينا الطلعه كلها.....
مشاعل:انا مادري وشلون ماستحملته غثيث وشايف نفسه لو انا مكانك
كان تبريت منه......
هنادي: يالله ميشو لا تكدرين خاطري بس لا تتاخرين.......
مشاعل:يله حبيبتي روحي تجهزي لا تاخريني.........
هنادي :اوكيه...........
مشاعل :اوكيه.........

راحت مشاعل غرفتها تتجهز للطلعه طبعا ماكأن ابوها طايح بالمستشفى
لانها من كثر دلعها صارت اهم شي نفسها وبس..........
فتحت دولا بها واحتارت وش تلبس لك طاحت عينها لى تنوره ميدي رماديه ناعمه
وبلوزه ورديه بدون اكمام ....طالع شكلها مره كيوت ونعوم........
طبعا مشاعل كانت بيضاء طويله وجميله عشان كذا كانت تشوف نفسها على الكل......
وسرحت شعرها وربطته ذيل..وكحلت عيونها وحطت جلوس خفيف على شفايفها
بس لا نها ما يحتاج تحط شي ثاني من جمالها...........

اخذت عبايتها ونزلت لقت امها في الصاله............
الجده :مشاعل وين رايحه يايمه...
مشاعل وهي تلوي فمها يمين وشمال:رايحه انا وصديقتي هنادي
بروح اشتري كم بلوزه للجامعه..........
الجده:كل يوم تشترين ملابس اقعدي لويوم معي في البيت .....
مشاعل وتبي تتهرب:يله يمه معليش تاخرت على هنادي وحبت راس امها
وطلعت بسرعه.....ونادت السواق وركبت السياره
وراحت لبيت هنادي............
دقت مشاعل على هنادي...........
مشاعل.:هنوده انا عندالباب يله........
هنادي: ميشو قلبي ممكن تدخلين شوي في البيت
لا ني مابعد جهزت .........
مشاعل:حشى وش قاعده تسوين........
هنادي:يله ميشو بارسل لك الخدامه تفتحلك الباب ...اوكيه.
مشاعل:وامك ماهي موجوده......
هنادي:لا امي راحت مع فيصل يوصلها بيت خالتي.........
مشاعل :خلا ص يله بس عشر دقايق مو تخليني اخيس وان قاعده انتظرك...
هنادي :مشكوره قلبو......

نزلت مشاعل من السياره ودخلت بعد مافتحت لها الخدامه ودخلت بالصاله
وجلست على الاريكه اللي يكون ظهرها للباب وجلست تقلب في القنوات
ومالقت شي حلو راحت للمطبخ تشرب مويه...........

في الحظه هذي فيصل كان داخل البيت بعد ماوصل امه انتبه انه ناسي
جواله فرجع للبيت ياخذه طبعا طلع لغرفته واخذ جواله من دون ماينتبه
للسياره اللي عند الباب...........
طلع من غرفته ونزل مع الدرج وسمع صوت كاس ينكسر ............
راح مسرع للمطبخ وهو في خاطره بيهاوش هالخدامه كل يوم كاسره
صحون ومره فناجين ....................

دخل وهويصرخ :انا كم مره نبهت عليك تنتبهي لل...ماكمل لا نه
أنصدم باللي شافه قدام عيونه موشغالتهم الفنسى
هذا ملا ك نازل من السماء......
ومشاعل نفس الشي انصدمت فيه وصارت عيونهم متعلقه
ببعض فتره مشاعل انتبهت لنفسها وحطت الغطاء على ووجهها
فيصل يوم انتبه لمشاعل غطت وجهها لف جسمه
وقال : معليش اختي مادريت انك موجوده وانا كنت جاي
اهاوش الخدامه ..........وطلع من المطبخ ومن البيت كله....

وهو مايدري وش صار فيه صورة هالبنت بين عيونه ماتروح
وش السالفه ..........
هنادي نزلت من الدرج ومشاعل طالعه من المطبخ .........
هنادي :هاه ميشو يله نطلع........
مشاعل كانت سرحانه:هااا يله وبعدين وش هالتاخيرلو
تصنعين قنبله نوويه كان خلصت.........
هنادي :يله ميشو امسحيها بوجهي مااعيدها مره ثانيه.
مشاعل:وجهك ماعاد فيه معالم من كثر مامسح اخطأك
بوجهك............
هنادي::هه هه هه هه هه حلوه بس لاتعيديها هههههه........
وطلعوا وركبوا السياره ومشاعل سرحت بعالم ثاني.......

.................................................. ............

07-30-2008, 03:07 AM

دق جواله وهو بسيارته رايح لجدته..................
عبدالعزيز:هلا وغلا بسوسو.............
سلمان:سوسو بعينك يالخايس..........
عبدالعزيز:سلم طيب ثم هاوش ياعمي العزيز.........
سلمان:خلك رجال هاه وينك فيه ........
عبدالعزيز:عشر دقايق واكون عند الباب لاتكون امي حصه نامت.....
سلمان:تنام مستحيل والنونو ماجت للبيت..........
عبدالعزيز:وهذي كل يوم طايره من مكان لمكان........
سلمان:ايه بنت الشايب والعجوز وش تبغاها تصير......
عبدالعزيزوهو يضحك على كلام عمه:لا تكون غرت ياعمي اعرفك غيور....
سلمان:اقول عطيتك وجه اكثر من الازم يله ضف وجهك نشوفك مع الباب.....
عبدالعزيز:بضفه بس ترى برميه بعد شوي عند باكم يله افتح الباب وصلت......
وقفل الخط.........
فتح سلمان الباب لعبد العزيزودخل هو وياه للصاله.......
عبد العزيز:عمي ليش ماجيت لجدي بزيارة المغرب كلنا كنا موجودين.....
سلمان:رحت له بزيارة الظهر...............
عبد العزيز:وين امي حصه بسلم عليها قبل لانطلع.......
سلمان: بغرفتها خلنا نروح لها.....
طقوا الباب..........
الجده:ادخل ياوليدي........
عبدالعزيز حب راس جدته:وشلونك امي حصه ............
الجدة:بخير ياوليدي عساك بخيروشلون ابوك مامر علي اليوم.......لايكون تعبان..
عبدالعزيز:الحمدلله بخير بس مر على جدي وجاه اشغال عشان كذا ماقدر يمر عليك...
الجده:وش هالاشغال اللي تشغله عن امه الله يهديه....
عبدالعزيز:ولو امي حصه مااكفي انا..........
سلمان:يلعن ام الثقه.............
عبد العزيز راح وقرب من جدته وحط يده ورى ظهرهايقهر عمه:
صح يايمه......ويطلع لسانه..
الجده:كلكم فيكم الخير والبركه ياولدي........
عبد العزيز:يله انا استاذن يايمه بنطلع انا وسلمان مواعدين الربع......
سلمان:ايه يمه يله مع السلامه.....
دق جرس الباب.........
الجده :من بيجي هالحزه انت مواعد احد ياسلمان....
سلمان:لايمه باروح اشوف وارجع................
راح سلمان وفتح الباب.......
سلمان:هلاابو فهد نور البيت.......
وليد:هلاسلوم منور باهله........
سلمان:تفضل ..........
وليد:يزيد فضلك......
راحوا لغرفة الجده ودخلوا عليهم.........
وليد:السلام عليكم..هلابالغاليه وشلونك..
الجده:هلا هلا والله بوليدي الغالي وينك يايمه ولهت عليك.......
وليدحب راس جدته:وش اسوي يالغاليه اشغال ولا انتي ما تغيبين عن بالي لحظه.
سلمان:الله يايمه كل هذالوليد وانا ولدك ماتولهين علي مثله....
وليد يبتسم بثقل:ولو ياسلوم ناس عن ناس تفرق.........
سلمان وهو منقهر :حتى كلمة عمي مااسمعها منكم ياخي حسسوني اني عمكم........
الجده :انت ورى ماتسكت كل شي تغار منه.........
سلمان:انا اصلا باسكت وباطلع يله ابو عزوز...
عبدالعزيز:عزوز بعينك ماني طالع.......
سلمان يسحب عبدالعزيزمع يده ويطلع هو وياه.......
الجده صارت تضحك على اشكالهم وهم يتناقرون..........
.................................................. ..................................

07-30-2008, 03:08 AM

قاعد يلعب بلاي ستيشن ومنسجم لاخر درجه...........
دخلت عليه مها:حمود وين جوالي..........
محمد:انا وش دخلني مادري عنه.......
مها :اف حمود طلعه احسن لك تراني اعرف خرابيطك.....
محمد:اقولك مااخذته......
مهاوهي تصارخ معصبه مسكته مع بلوزته:اقولك طلعه لاكفخك ....
:مها اتركيه....
التفت لمصدر الصوت من وراها وهي خجلانه لانه شخص حنون صاير لهم مثل الاب والام اللي مفتقدينهم...... .......
محمد:شوفها تطقني......
سلطان:مها وش السالفه.....
مها والدموع بعيونها:دايما ياخذجوالي وينكر انه مااخذه وفي الاخير اكتشف انه معه.
سلطان:محمد وين جوال مها.
محمد:في غرفتي على مكتبي......
مها:ليش تكذب وتقول مااخذته ليه.....
محمد:كنت العب فيه وخفت اقولك وتهاوشيني.
مها وبدى صوتها يرتفع:لاوالله العب على غيري.......
سلطان:مها خلاص محمد رح جب الجوال......
محمد:طيب.........
سلطان:مها تعالي اجلسي باكلمك......
جت مها وجلست بجنب اخوها.....
سلطان:يامها انتي اعقل منه واكبر يعني ماله داعي
الصراخ والطق قوليله باسلوب هادى وراح يقولك
على طول.........
مها انحرجت من اخوها لان كل اللي يقوله صح...
مها:ان شاء الله .......
:وين امي وابوي ماشفتهم.....
مها:ابوي طلع من شوي وامي من العصر طالعه ولحد الحين
مارجعت......
سلطان:وين راحت كل هالوقت .....
مها:مب غريبه اصلا كل يوم تطلع من العصر ولا ترجع الا الساعه 11بالليل.....
سلطان:كل يوم الى متى على هالحال.....
مها :واذا سالناها وينك ليش ماتجلسين.....تقول انا ماعندي احد يحاسبني انا حره
اطلع متى ماابغى ..........
دخلت امهم في هاللحظه........
سلطان:هلا يمه وش اخبارك وينك كل ماجيت قالوا طالعه.......
ام سلطان ببرود:هلا سلطان انت هنا وبعدين جاي تحاسبني وانا امك..
سلطان وهومنقهرمن برود امه اللي عمرها ماحسستهم انهم
عيالها:انا مااحاسبك بس عندك عيال يبيلهم مراعة وتربيه
وبناتك حنان ومها محتاجينك.....
ام سلطان:شف ياسلطان جاي تعلمني التربيه والامومه
خلك في حالك مع ولد مريم ابركلك.......
سلطان وهو متنرفز من كلا م امه اللي تدخل كل شي ببعض:
وش دخل ولد عمي بالسالفهانتي اصلاطول عمرك ماحسستينا
بانك ام لنا ....
ام سلطان:وترفع صوتك علي لا بارك الله فيك من ولد رح عن
وجهي ......
طلع سلطان وهو معصب خافت مها عليه ولحقته...
مها:سلطان وين بتروح هذي امي لاتزعل منها
حنا محتاجينك انا وحنان.....
سلطان:لا تخافين مها ماراح اخليكم بس شوفي
قولي لامك ماراح اجي انام اليوم بالبيت خلاص.....
مها:ان شاء بس لا تتاخر......
دخلت مها لا مها ....
مها: يمه سلطان يقول ماراح ينام اليوم في البيت.......
ام سلطان ببرود:في اللي مايحفظه قلعته.......
مها وهي تصيح:ليش يمه تعاملينا كذا حنا مب عيالك
ليه تعاملينا وكنا عيال الشارع..
ام سلطان:اقول روحي انتي الثانيه وفكينا.....
مها حست ان الكلام مع امها مامنه فايده طلعت غرفتها وهي تصيح...........
.................................................. ..................................
طلعت مسرعه من غرفتها تلحق ولد اختها وهو يضحك
ويركض بكل قوته وصدمت بامها:
خيران شاء الله وش عندك تطامرين كانك بزر......
روان: شوفي ولد بنتك حايس كل اغراضي.......
امها:خير ان شاء الله لاتكون بنتي مو اختك.....اعقلي
ترى هبالك ماله داعي......
روان : وانتم كلما سويت شي قلتوا هبله..........
جت سلوى وهي شايله بنتها الجوري ووجها منعفس وضايق خلقها
سلوى:يالله يمه انا باروح سلمي على ابوي واخواني
يالله عمر البس جزمتك...........
ام عبد العزيز::تو الناس يمه بدري اقعدي تعشي معنا...
سلوى: معليش يمه مره ثانيه الحين زياد ينتظرني عند الباب......
امها:وخالد وينه..
سلوى يوم سمعت اسمه ذكرت الرساله اللي جاتها قبل شوي
عشان كذا دقت على زياد وقالت له يوصلها:لا يمه بس
تعبان وقال خلي زياد يوصلك.....سلمت على امها وطلعت..

زيياد:وينك تاخرتي....
سلوى:معليش بس كنت ادور عمور....
زياد:هاه عمور اسرع زي بابا..
عمر:لا انت ماتعرف زي بابا..صح ماما..ماما..ماما.........
زياد حس ان سلوى فيها شي فعطى عمر حلا وه عشان يسكت...
زياد:سلوى فيك شي صاير بينك وبين خالد شي.....
سلوى:والدموع بعيونها:لا يااخوي ماصار شي..........
زياد:تكلمي ياسلوى ترى انا اخوك وسرك في بير...
سلوى حست بالامان يمكن زياد يقدر يساعدها.....
سلوى:زياد........................................
.................................................. ......
.................................................. .

البقيه في الجزء الثاني...............
وش تتوقعون تكون محتوى الرساله اللي جت لسلوى وقلبت كيانها؟
ومشكلة ابوسلطان{سليمان}مع ابوه واخوانه؟
وسلطان وش راح يكون له؟


صمت الدموع &!خ ـيالي!	غير البشر	فصل الصور والكاريكاتير