مـــوا ل ؟ .

ألف : ألف وأول السـوق نسبـه
نسبة تحت ما عاد تحتـاج حسبـة


سوق ضربنا فوق عشرين ضربـة
والصبر زين إلا بسهـم المواشـي


والبـاء : بدينـا وأشترينا وبعـنـا
وياليتـنـا فيـمـا كسبنا قنعـنـا


طرنـا وتعلينـا ولـكـن وقعـنـا
والصبر زين إلا بسهـم المواشـي


والتـاء : توقعنـا تزيدالمكاسـب
وقلنا نبـي نشـرب لذيذالمشـارب


لكن ورطنا بين عـارض وطالـب
والصبر زين إلا بسهـم المواشـي


والثاء : ثبت عنـدي بعلـم يقينـي
اني خسرت وراح ما فـي يمينـي


الله علـى تسديـد دينـي يعيـنـي
والصبر زين إلا بسهـم المواشـي


والجيـم : جمعنـا سهـوم كثيـرة
ولا درينـا أن الدعـاوي خطيـرة


حتـى خسرنـا والخسـارة كبيـرة
والصبر زين إلا بسهـم المواشـي


والحاء : حسافة يا جماعةفلوسـي
حطيتها بأسهـم وكسّـرت قوسـي


صحيح هالدنيا عطتنـا الدروسـي
والصبر زين إلا بسهـم المواشـي


والخاء : خلاص اقول توبه ولاأعود
لو كنت بالمكسب موصىوموعـود


وهذا قرار ما علـي فيـه منقـود
والصبر زين إلا بسهـم المواشـي


والدال : دجينـا بسهـم المواشـي
نشريه غالي ثـم نبيعـه بلاشـي


هذا جزاة اللـي شـرا بالخشاشـي
والصبر زين إلا بسهـم المواشـي


والذال : ذاك اللـي تسبـب علينـا
ويـلاه لـو انـه يطيـح بيديـنـا


من دون ذبحه كلنـا مـا رضينـا
والصبر زين إلا بسهـم المواشـي


والراء : رمينا رميـة دون رامـي
وصابـت وقلنـا حرفنةياسلامـي

السوق طيب لين جانـا الصرامـي
والصبر زين إلا بسهـم المواشـي


والزاي : زدنا يـوم شفناالمرابـح
وقمنـا مـع العالـم نزيدالمطابـح


ويمكن على بعض السهوم انتذابـح
والصبر زين إلا بسهـم المواشـي


والسين : سوينـا بهـا فاهمينـي
نشري نقول السوق بكـره يزينـي


نبغى المكاسب وأثرنـا خاسرينـي
والصبر زين إلا بسهـم المواشـي


والشين : شاري يومه السوق غالي
ما همنـي لـو زاد فيـه اريالـي


لا والله الا راح بـاقـي حـلالـي
والصبر زين إلا بسهـم المواشـي


والصاد : صدق اللـي سهمامنـول
حول ميه وسبعيـن واليـوم حـول


ينـزل الـى ستيـن شـي يهـول
والصبر زين إلا بسهـم المواشـي


والضاد : ضاربنا بسهـم الفنـادق
لكن رمونـا مثـل رمـي البنـادق


حتـى زبنـا بالحفـر والخـنـادق
والصبر زين إلا بسهـم المواشـي


والطاء : طمرنا طمرة دون داعـي
نبغى النسب بالباحـه أوبالجماعـي


واليـوم يكفينـا حليـب المراعـي
والصبر زين إلا بسهـم المواشـي


والظاء : ظلمني من نصحني بتعمير
ويقول لي هذا السهم مكسبه غيـر


وانا مطبح فيـه مـن دون تفكيـر
والصبر زين إلا بسهـم المواشـي


والعين : عيوا يرفعـون المؤشـر
يمكن سياسة سـوق لازم يخسـر


كم واحد مـن ذا المؤشـر مدمـر
والصبر زين إلا بسهـم المواشـي


والغين : غيّـر يالمحافـظ وبـدل
موضوعنا حلـه وبالسـوق عـدل


نظامكـم مـا هـو كتـاب منـزل
والصبر زين إلا بسهـم المواشـي


والفاء : فتيحي مشترينـه بطمعـه
لكن جانـا منـه عشريـن قمعـه


ما اظن يستاهل حسابـه وجمعـه
والصبر زين إلا بسهـم المواشـي


والقاف : قالوا بكره السوق يرتـد
والوضع اشوفه كـل يـوم يتعقـد


مقرود يامن طـاع شـور المقـرد
والصبر زين إلا بسهـم المواشـي


والكاف : كافـي يـا وزيرالتجـارة
خمسيـن بالميـه عليناخـسـاره


ان كان تفهـم فـي فنـون الاداره
والصبر زين إلا بسهـم المواشـي


واللام : لبنى يوم أغـارت بلاخيـل
خذت بسطوتها سهـوم الرجاجيـل


وخلـت مدامعهـم تبـل المناديـل
والصبر زين إلا بسهـم المواشـي


والميم : ما تنفع سهـوم العوايـد
خسرانة ومـا عـاد فيهـا فوايـد


يحلهـا لا صـار وقـت اللزومـي
والصبر زين إلا بسهـم المواشـي


والهاء : هروج كـل يـوم تعـادي
كـل يسـوي فاهـم ٍواقتـصـادي


ياطيبكم عنـد العشـاء والمنـادي
والصبر زين إلا بسهـم المواشـي


والواو : وهقنا المسمـى ابراهيـم
يقول انا بقلـب جميـع المفاهيـم


ياعزتيلـه علـقـوه الشغامـيـم
والصبر زين إلا بسهـم المواشـي


والياء : ياربي طالبك ترحم النـاس
وان تنتقم يارب من فعل الأنجـاس


ولا باس ياللي صابه الهم لا بـاس
والصبر زين إلا بسهم المواشي ..!!